人在人情在

我平日其實幾懶,除咗每日出下門,開到班就教下嘢,開唔到班就喺屋企Hea,某程度上我都係一個宅男。我可以坐喺電腦前面一整日,完全無問題唔覺悶,然後就放吓狗,飲吓茶咁就一日。
你可能會發現:「你出文出咁耐為乜野?教班又賺唔到咩錢又為乜」為賣盤做AA?好多人好多呢D問題,老實講,我一定係為錢,唔通係為服務社會咩,我無咁偉大。但如果我做AA的話就死得了,經常叫人唔好買呢間,揀過,呢間又唔好果間又唔掂,如果唔信問下我學生就知,我呢D性格係做唔到銷售類嘅工作,因為受唔到氣,同埋個人唔識去水人哋。
其實有無聽過一樣嘢叫:人在人情在,你唔做的話,你所有建立嘅connection就會完咗。有時有D人做生意,唔係為錢,而係為個關係,其實有少少似我,我唔寫嘢唔教嘢,我收嘅盤就未必係筍果堆。你估我D文只係俾香港人睇?因為呢D就係關係,你估我真係靠教書果幾千蚊搵食?如果係,我去揸的士好過,我係靠個關係去搵食呀,一個盤平20%,一買其實就賺左,但好多時我買得嘅都守佢幾年唔會即刻賣,而係等佢爆升,我係買緊個將來。
我一年搵幾個呢D盤,再加埋換下貨,我諗夠我洗費有突好多,其實我都係一門生意,但就係用資產去做生意。好多時候,睇嘢真係唔好太表面,果條友係好人壞人,我深信你就咁睇你都未必知,何況佢背後動機呢?
我寧願做一個真實嘅賤人,都唔想做一個虛假嘅好人。

原文張貼於:
https://www.yip-sir.com/blog/%E4%BA%BA%E5%9C%A8%E4%BA%BA%E6%83%85%E5%9C%A8

發表回應

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料